Facebook
[ e3lan pharma ] [ عدد مرات العرض 192299 ] [ عدد النقرات 58 ]
نرحب بجميع الاعضاء الجدد برجاء العلم انه عند اضافة مواضيع الالتزام بالقسم المناسب وعدم تكرار المواضيع منعا لحذفها جميعا وحجب العضوية نهائيا وبالتوفيق للجميع ان شاء الله تعالى.

 

ضع إعلانك هنا



صفحة 1 من 5 123 ... الأخيرةالأخيرة
النتائج 1 إلى 10 من 43

الموضوع: مطلوب مندوبى دعاية ومشرفين

  1. #1
    الصورة الرمزية Admin
    تاريخ التسجيل
    28-6-2009
    الدولة
    El-Mansura, Ad Daqahliyah, Egypt, Egypt
    العمر
    30
    المشاركات
    1,069

    Awt8 مطلوب مندوبى دعاية ومشرفين

    Admin
    المجموعة المصرية للخطوط الطبية
    تطلب مندوبي دعاية طبية ومشرفين خريجي (بيطري – علوم – زراعه )






    كلمات البحث

    مندوب دعاية، شركة ادوية ، فرص عمل ، ادوية ، فاكنت



    Facebook Comments - تعليقك على الفيس بوك ابسط دعم لنا



    لا تمر مرور الزائرين فشارك ولو بكلمة تفيد بها الاخرين
    اطلع على قوانين المنتدى من فضلك قبل المشاركة
    اعمل معنا على اثراء المحتوى كى نحقق اعلى افادة
    بلغ عن اى مشاركة مخالفة ليتم التعامل معها فى اقرب فرصة لدخول المشرفين

  2. #2

    افتراضي

    dr_m.f
    محتاجين معلومات عن المرتبات والمنتجات

  3. #3
    الصورة الرمزية forever
    تاريخ التسجيل
    26-7-2010
    الدولة
    المنصورة
    العمر
    25
    المشاركات
    444

    افتراضي

    forever
    plz some information

  4. #4

    افتراضي

    Dr. Ayman
    توضيح هام جدا بخصوص إعلان المجموعة المصرية للخطوط الطبية
    أولا: هذه الشركة سبق لها عمل إعلانات لا حصر لها بالموقع وبالصحافة واسمها الفعلي هو إيجيبت ميديكال لاين جروب
    Egypt Medical Line Group
    ثانيا: يمكنكم الاطلاع على آراء من عملوا بهذه الشركة إن بحثتم عن اسم ميديكال لاين جروب وصاحبها اسمه الدكتور أحمد راضي ومقرها الوحيد هو في مدينة شبين الكوم بالمنوفية وهذه الشركة تعتبر أوت سورس لشركات أخرى غير مشهورة يعني بتشتغل على منتجات شركات أخرى غير مشهورة وأنا شخصيا بعد أن تقدمت للعمل بها وتم تعييني كمشرف للقاهرة الكبرى اعتذرت عن العمل لأن المناطق كثيرة جدا وكذلك المرتب أقل من ألفين جنيه وأنا رجل خبرة خمسة عشرة عاما ومتزوج ولي ثلاثة أطفال ومصاريفي أعانني الله عليها والمطلوب منى أنا كمشرف للقاهرة الكبرى هو توصيل طلبيات بسيارتي الخاصة للموزعين من شركات رسمية ومخازن خاصة وصيدليات مباشرة وكذلك الإشراف على عدد مندوبين أقل من أصابع اليد الواحدة وتدريبهم بالكامل وكذلك تحقيق تارجيت من أول شهر لا تقل عن خمسين ألف جنيه والمنتجات منها ألبان أطفال مستوردة وهى ماركة هولندية شهيرة ولكن المنافسة شديدة جدا في ألبان الأطفال وأولها منتجات شركة وايث التي اشترتها فايزر وكذلك منتجات شركات نستلة ومنتجات شركة نيوتريسيا الإنجليزية وتوكيلها بشركة إنترفارم ولهم تواجد بالسوق منذ خمسة عشرة عاما بالإضافة إلى عدد عشرة منافسين آخرين غير فايزر ونستلة وانترفارم وسعر اللبن مشابه لما هو موجود بالسوق وكل الشغل سيكون عبارة عن تظبيط ودييييلات وحرق مخازن وهذا هو أول منتج ؛ أما المنتج الثاني فهو لشركة باناكس المشهورة بحرق منتجاتها بالمخازن بخصم يقترب من خمسين بالمائة وهو عبارة عن مضمضمة والمنتج الثالث عبارة عن فيتامين أطفال ؛ وأنا نصحت صاحب الشركة أن يبدأ الشغل النظيف وأن يترك التعامل مع أى شركات مشهورة بالحرق وأنا شخصيا كنت مدير مكتب علمي لشركة ثري سي التي كانت تعطي بضاعة لشركة ميديكال لاين في وقت من الأوقات مثل نيوفاين شامبو ومنتو دش مهبلي وكير لوشن للأطفال وتركت أنا شركة ثري سي بسبب تجاوزات لا يمكن السكوت عنها ومنها أنهم أكلوا عرقي وسرقوا مجهودي ولم يعطوني مستحقاتي وآخرها إني وصلت بسيارتي بضاعاتهم لشركات المتحدة وابن سينا في العبور واستلمت مرتجعات ملأت السيارة على آخرها وكنت أقوم بتخليص أوراق وتكويد منتجات بالمتحدة وابن سينا وكذلك التدريب والإشراف على المندوبين وأنا قلت حسبنا الله ونعم الوكيل فيهم ؛ وأنا أقسمت أن ألا أترك غيري ينخدع بالإعلانات البراقة ولازم أكشف كل حاجة وأنا هنا لا أقوم بالتشهير بالشركة ولكنى قلت الحق وقلت على نظام شغلهم وفيه ناس اشتغلوا عندهم وكتبوا عن حكاياتهم معاهم ومنهم واحد مشرف من المنيا قال إنه اتفق على مرتب ثلاثة آلاف جنيه وفوجيء أنهم أرسلوا له في البريد خمسمائةجنيه فقط وخطفوا مندوبينه اللي جابهم وعلمهم وهذا الزميل بيشتغل الآن بشركة أورجانوفارما وهناك زميلة أخرى كتبت في الموقع أنها لم تقبض مرتبها وإن السكرتيرة ماطلتها وقالت لها إن الدكتور أحمد راضي مدير الشركة مسافر في عمرة وتعمدوا تأخيرها ليوم عشرين بالشهر التالي وكذلك أعطوها مرتبها ناقص ؛ وأنا أنتهز فرصة هذا الإعلان لأقول للدكتور أحمد راضي أنني على استعداد للعمل بشركته وذلك في حالة التزامه بأخلاقيات المهنة والشغل الإيثيكال لأن أقصر طريق للنجاح هو الخط المستقيم والنتيجة واضحة فأنت ترى الشركات المشهورة بحرق المخازن غير مستقرة ودائما تطلب مندوبين ودائما ترفدهم بعد ما يحرقوا ويملوا كل المخازن ولما غيرهم يشتغلوا يفاجئوا إن اللي قبلهم خربوها وأصبحت المخازن لا مكان فيها لعلبة زيادة ولازم نشتغل صح ولازم نشتغل روشتة روشتة روشتة وأنا لي في هذا المجال خمسة عشرة عاما وتعاملت مع جميع أنواع العملاء بما فيهم النصاب والكذاب والمرتشي والبلطجى وعرفت إن أي ديييييل عمره ما هيحقق تارجيت وإن حرق المخازن عمره ما هيحقق تارجيت وأهم حاجة الشغل الصح بالروشتة وأهم منهم هو شعور المندوب بالاستقرار وبأن حقوقه محفوظة ليعمل وهو مطمئن وأنا أكرر كلامي بأنني على استعداد للعمل بشركة ميديكال لاين في حالة التزامهم بسياسات واضحة للشغل وأكيد كلامي دة سيكون معروف للخبرة من الزملاء وأتمنى التوفيق للجميع ؛ دكتور/ أيمن عبد القادر (مشرف ومدير مناطق القاهرة الكبرى والصعيد والدلتا) e-mail: ayman6october@yahoo.com

  5. #5

    افتراضي

    Dr. Ayman
    فيما يلي أجزاء من معلومات بالموقع عن شركة إيجيبت ميديكال لاين جروب حتى لا يتهمنى أحد بالإساءة والتشهير بالشركة وأنا نقلتها للأمانة

    بتاريخ : 07-16-2011 الساعة : 10:55 AM رقم #1
    احذروا العمل فى egypt medical line group
    يا جماعة أنا بحذر من العمل فى الشركة دى لأن أنا كنت ِشغال فيها انا ومديرى دلوقتى.
    دى شركة منتجاتهاهى البريمافيتا 1 و 2 لبن و ال كلينينج ميلك كريم وجه و ال أورامنت مضمضة و ال ار بى سى شراب و حاجانت تانية وهتشتغل فيها على منتجات مش مسمعة خالص و دى شركة لبن يعنةى بالبديهة المفروض تصرف والله صدقونى ما بتصرف حتى 100جنيه على دكتور ونصب كبير ف المرتبات عليا أنا ومديرى و2 زملاء ومدير الشركة اسمه احمد راضى ودا اشتغل فى المجموعة المصرية 10 سنين مندوب طب الزاى ينط لمدير شركة علشان كدة مفسيش ادارة كويسة
    ودى مرتبها 1000جنيه بس ابقى قابلنى ان اخدتهم ومفيش عربية


    بتاريخ : 07-18-2011 الساعة : 09:34 PM رقم #2
    لو دى الى فى شبين الكوم انا باكد كلامك وعلى فكره كل شهر او شهر ونص بتطلب مناديب



    بتاريخ : 12-23-2009 الساعة : 09:53 PM رقم #1
    استفسار عن شركه ميديكال لاينmedical line

    السلام عليكم
    اذيكوا يشباب
    يارب تكونوا بخير

    انا عندى انترفيوا فى شركه ميديكال لاينmedical line
    ايه رايكوا فيها وايه مميزاتها وكدا
    وشكر ا للجميع


    بتاريخ : 12-24-2009 الساعة : 02:47 AM رقم #2
    انا كمان عندي انترفيو فيها ... ولا اعرف اي حاجه عنها .. ربنا يستر

    بتاريخ : 12-24-2009 الساعة : 03:08 AM رقم #3
    ياريت حد يجماعه يقول ويفيدنا باقصى سرعه عن شركه ميديكال لاين لانى شكل كده محدش يعرف عنها حاجه خالص

    بتاريخ : 12-24-2009 الساعة : 04:57 AM رقم #4
    كل اللى اعرفه عنها انها شغاله على كوزموتكس
    و السالارى فيها فل تايم 800 جنيه فقط لاغير
    احكموا انتو بقى يا دكاتره
    اتمنالكم التوفيق


    بتاريخ : 12-24-2009 الساعة : 04:45 PM رقم #5
    هي شركه مكتب علمي في شبين الكوم منوفيه

    ومرتيهم تقربيا 850
    او800

    شغالين علي 2 لاين
    وعندهم لبن اطفال اسمه برمافيتا وفاجينال وش اسمه منتو
    وفيه حاجات كمان بس انا مش عارفها


    بتاريخ : 12-24-2009 الساعة : 06:49 PM رقم #6
    انا عارف باقى البرودكت ابيتيت رايز فاتح شهله وار بى سى لانيميا الاطفال والمنتو دوش اللى الدكتور قاله والفرير سبراى للشعر واياك حد فيكو يروح الشركه دى
    كان زميلى فيها وكل شهر يقولو العربيه بتاعت التوزيع اتقلبت وعاوزه تتصلح يخصمو 100 جنيه ومفيش عينات يدوب حاجات بسيطه وكمان مش اونست اوى فى الديل لان الحاجات بتاعتهم مش بتمشى غير ديل وعلى العموم القرار قراركو


    بتاريخ : 12-28-2009 الساعة : 02:02 AM رقم #7
    انا راى من راى الدكتور محدش يروح الى اشتغل فيها مستريحوش

    بتاريخ : 12-28-2009 الساعة : 04:32 PM رقم #8
    انا اول شركه اشتغلت فيها هى ميديكال لاين دى وبصراحه لا انصح بها صاحبها اسمه احمد راضى كان بيشتغل تقريبا فى المجموعه المصريه قبل كده هو راجل محترم وكويس بس مشكلته انه بخيل جدا يعنى بيحاسبك مش على المرتب لكن على مقدار الشغل الى طلع ودايما بيتخصم من مرتبك .وحاجته كوزمتك ومتعبه جدا جدا يعنى لو بعت ب 500 جنيه فى الشهر يبقى كويس قوى عندهم صابونه اسمها كيرا دى الى شغاله كويس ومالتى فيتامين للاطفال و اسبراى مقوى للشعر اسمه فرير

    بتاريخ : 01-22-2010 الساعة : 01:07 AM رقم #9
    على فكرة والله انا هاحاول اخلى السوبر فايزور بتاعتها تدخل هنا وتكلمكم عنها
    ده احسن حل
    بس اللى اعرفه محدش بيعمر فيها خااااااالص


    بتاريخ : 04-13-2010 الساعة : 03:35 PM رقم #10
    شكراااااااااااااااا جدا
    الموضوع اتقفل
    [:

    دكتورة سمر
    بتاريخ 17/4/2010, 07:06 PM
    ممكن ياجماعة ال يعرف معلومات
    عن شركة ميديكال لاين يقولي
    لان هما اتصلو بيا عندي انترفيو ومش عارفة عنها حاجة
    على فكرة انتم كنتو حاطين اعلانها مع اعلانات مجلة الصيادلة يوم الجمعة
    كمان هو ليه مابعتوش لنا عالايميل اعلانات يوم الجمعة ال فاتت
    ارجوكم ردو بسرعة عليا

    dr google
    04-17-2010, 07:52 PM

    معلومات عن شركة ميديكال لاين
    عنوان الشركة :المنوفية ... شبين الكوم ...بجوار مصلحة المتحدة للادوية ... أمام المجموعة الدولية للمحاسبين بجوار مودرن للحلويات
    منتجات الشركة : أدوية
    Appetite raise ,Anti anaemic RBC,Walfare spray hair aqua ,Mento vaginal wash ,Barmavita milk powder
    المنتجات شغالة كويس
    المعاملة : مش كويسة ...... خصومات كتيرة ....... مفيش اكسبنس الانتقالات مكسيمام 200 جنيه
    السلارى : 800 جنيه + انسينتيف 1% باكدج ممكن يوصل 1450 جنيه
    مفيش عربية
    النصيحة : بلاش


    دكتورةسمر
    04-17-2010, 08:05 PM

    متشكرة دكتور جوجل للمعلومات
    بس هو قالي انه المكتب هنا في اسكندرية
    وبصراحة لو طلع ليهم اي صلة بالمنوفية مش هاروح


    dr google
    04-17-2010, 09:24 PM

    بالتوفيق ان شاء الله دكتوره "سمر" ................. أنا أسمع ان " إيبيكو " محتاجة ناس فى اسكندرية والبحيرة اليومين دول ..... ياريت تروحى المكتب العلمى بتاعهم وتقدمى السى فى .............. وانشاء الله تعملى انترفيو ........... وبالتوفيق ان شاء الله

    دكتورةسمر
    04-17-2010, 10:48 PM

    الف شكر دكتور جوجل
    انا خلاص مش رايحة انترفيو ميديكال لاين
    مادام هي مش كويسة كدة بصراحة الواحد مش ناقص
    ولا مستعدة اضحي بسمعتي في السوق عن شركة مش معروفة الله اعلم بتعمل ايه


    د/بروموشن
    04-19-2010, 05:02 PM

    دى حقيقه الشركه دى فى المنوفيه

    DR / SOHA
    04-19-2010, 06:28 PM

    بالعكس يا دكتور جوجل المعامله كويسه جدا والدكتور احمد راضي صاحب الشركه راجل محترم جدا ومفيش خصومات ولا حاجه المرتب بيوصلك كامل ولو وصلت للتارجت المرتب بيوصل ل1200 واكتر كمان

    فرانكشتاين
    09-30-2010, 06:29 PM
    عنوان الشركة :المنوفية ... شبين الكوم ...بجوار مصلحة المتحدة للادوية ... أمام المجموعة الدولية للمحاسبين بجوار مودرن للحلويات صاحب الشركه واحد اسمه *********** ممكن يتفق معاك ويقولك بلغ الشركه انك ماشى ويديك وعد انك معاهم وبعد كده ولا يعرفك زى ما حصل مع واحد زميلنا اتفقو على كل حاجه وقاله بلغ الشركه انك هتمشى اخر الشهر وبعد ما بلغ ولا كانه يعرفه
    يادكتور ممنوع كنابة اسماء اشخاص في المشاركات حضرتك ممكن تقول تجربتك بدون ذكر اسماء

    loving u
    10-01-2010, 03:19 AM

    بصراحه انا مافهمتش اى حاجه من التحذير المكتوب وعلى العموم لازم تكتب تجربتك الشخصيه مش مجرد كلام سمعته وانا عن نفسى اول شركه اشتغلت فيها كانت ميديكال لاين ومشكلتها ان البرودكت بتاعها وقع تقريبا مهما اشتغلت عليه واحمد راضى مش نصاب لكن اقدر اقولك انه بخيل شويه






  6. #6

    افتراضي

    ahmedram
    احب اضيف لكل الكلام اللى اتقال وهو كلام صحيح بنسبة 100% معلومات جديدة
    1- منتج علاج الانيميا الموجود بشركة المجموعة المصرية للخطوط الطبية او شركة ميديكال لاين جروب والمعروف باسم ار بي سي غير مرخص بوزارة الصحة ومكتوب على العبوة انه تصنيع مصنع راجا بسوهاج والحقيقة ان ما فيش مصنع ادوية فى مصر كلها بالاسم ده مش كده وبس دا اصلا مش منتج واللى مش مصدق يبص على العبوة ويشوف بنفسه
    2- منتج لبن الاطفال بريمافيتا التشغيلة اللى موجودة فى الشركة كانت قبل كده غير صالحة للاستخدام لسوء التخزين وحاليا كمان منتهية الصلاحية ومع ذلك صاحب الشركة قرر يحط عليها تكت بتاريخ جديد ويبيعها فى السوق مع الاطباء والصيادلة اللى ماعندهمش ضمير ( عارفين معنى ان طفل ياخد لبن صلاحيته منتهية ؟؟؟؟؟؟؟؟؟ وفاة سريعة للطفل نتيجة التسمم اللى هايحصل من خلال اللبن ده
    3- منتج الفرير الخاص بالشعر منتهى الصلاحية وتم تغيير العبوة الخارجية بعبوة جديدة مكتوب عليها تاريخ جديد ولما الصيادلة عرفت قرر اعادة تعبئة العبوات الفاسدة فى عبوات بلاستيك جديدة
    دى المنتجات اللى هايشتغل عليها المندوب
    يعنى ببساطة حضرتك النهاردة كمندوب هاتكون شريك فى جريمة قتل اى طفل هاياخد اللبن ده او الازازة اللى مكتوب عليها كلمة ار بي سي او الضرر اللى هايصيب اى مريض يشترى علبة الغرير
    نصيحة منى قبل حتى ما اى واحد فينا يفكر فى الامور المادية والمعاملة ازاى
    ياريت يفكر فى ايه هو الدوا اللى بيشتغل عليه وهل هو فعلا مفيد واللا لا لأن ببساطة المهنة دى مش فلوس وعربيات ومعاملة لالالالالالا انت من مهنتك كمندوب دعاية ممكن تكون شريك فى المسئولية عن حياة المريض اللى بيشترى دواك
    ولو كلنا وقفنا فى وش الشركات النصابة دى هانقدر نوقف المهازل اللى بتحصل كل يوم قدام عنينا وهانقدر نرجع للمهنة دى احترامها وتقديرها من تانى
    ورجاء خاص للادمن مش كل شركة نصابة تشتري حق الاعلان وتقول انها مظلومة وان المندوبين اللى موش كويسين هما اللى بيطلعو عليها السمعة السيئة تتصدق وتنزلها اعلان فى الموقع
    لا لازم تتاكد من كل كلمة بتتقال لأن وجود اعلان لشركة نصابة زي دى وغيرها بيفقد الموقع مصداقيته اللى اتعودنا عليها

  7. #7

    افتراضي

    ahmedram
    تحب يا ادمن اقوللك على معلومة كمان عنوان الشركة فى الفواتير الخاصة بيهم وعلى كروت المندوبين هى كالتالى
    1- مكتب المنوفية : شبين الكوم وبس و انزل انتى دور عليهم فى شبين الكوم
    2- مكتب الاسكندرية : ش. جمال عبد الناصر وبس
    وزيهم مكتب القاهرة / عمارات النادى الاهلى
    تفتكر ناس خايفين يكتبو عنوان الشركة على اى ورقة ده يبقى ليه يا ترى ( لأنهم نصابيييييييييييييييييييييييييييييييييييييييييييييي يييييييييييييين طبعا )
    تفتكر مخزن الشركة دى فين اقولك في بيت فى كفر مصيلحة ما هو احنا موش بيجيلنا من كفر مصيلحة غير كل خييييييييير

  8. #8

    افتراضي

    ahmedram
    اقولك على حاجة كمان ارجع للمشاركات اللى كانت فى اعلانهم قبل الاخير واللى انتى حذفتها وشوف ايه اللى كان مكتوب عليهم بالظبط وغلى فكرة كل الكلام اللى اتكتب ساعتها كان حقيقى
    بلاش يا ادمن نساعد الشركات النصابة اللى زى دي على انها تخدعنا احنا زملاء فى مهنة واحدة

  9. #9

    افتراضي

    Dr. Ayman
    رد فعل غريب جدا من شركة المجموعة المصرية للخطوط الطبية
    أنا فوجئت منذ صباح اليوم باتصالات كثيرة على تليفوني من الشركة المصرية للخطوط الطبية وأنا طبعا امتعنت عن الرد لأن المتوقع هو أنهم سيهاجمون أي شخص ينشر عيوبهم وأنا شخصياً قلت أنني لن أمانع في العمل لدي هذه الشركة بشرط أن تعلن عن سياسات عمل واضحة وكان من المفروض بدلاً من أن يتصلوا بي وبغيري من الذين نشروا معلومات كان من الأجدر بهم أن ينشروا سياسة واضحة للعمل وأنا أطلب منهم الآن أن يظهروا ويوضحوا حسن نواياهم بأن يقوموا بنشر ملخص لسياسات الشركة من حيث المرتبات والاستقرار والعقد والشرط الجزائي ووصل الأمانة الذي يهددون به الموظفين وطريقة التسويق والبيع من حيث عدد الموزعين الرسميين والمخازن والبيع المباشر ونسبة الخصومات وكذلك نظام الدعاية وأدوات الدعاية من عينات وبروشورات وهدايا مثل الأقلام والبلوك نوت والنتائج للسنة الجديدة وغيره من مبتكرات الدعاية ؛ وفي هذه اللحظة أنا أقسم بالله العظيم بأنني أنا شخصياً حتى لو كنت أعمل بأحسن شركة فإنني سأتعاون معهم طالما أنهم سينتهجون الطريق المستقيم وأنا سبق لي ألأن قدمت لهم خطة عمل واضحة واستراتيجيات واضحة وكذلك قدمته لشركة ثري سي التي كنت أنا مدير مكتبها العلمي وللأسف فإن أصحاب هذه الشركات لا يريدون أن ينفقوا إلا أقل القليل ومن أول شهر يريدون تحقيق تارجيت أو على الأقل ربع التارجيت وهذا مستحيل مستحيل مستحيل عند بداية إطلاق منتج جديد يحمل اسم شركة جديدة بدون سابقة أعمال بالسوق وأنا شخصياً بالنسبة لشركة إيجيبت ميديكال لاين جروب بصفتي أسكن بالقاهرة الكبرى فلقد قدمت لهم تقارير كاملة قبل أن استلم العمل لديهم وكان مفروض إني أطالبهم بالأجر على ما قدمته لهم لما أقدم لهم سياسة تأسيس مكتب علمي بالكامل وكذلك قوائم عملاء وأطباء وموزعين ومخازن رسمية في القاهرة الكبرى ولكنى تعاملت معهم بحسن النية وقلت في نفسي أنني سأرسل لهم هذه الخطط عسى أن يشجعهم ذلك على العمل النظيف بدلاً من التخبط في مناطق القاهرة الكبرى المتسعة جداً وفعلا أبسط شيء مثلاً هو أنهم يريدون تعيين أربعة مندوبين فقط ومشرف في القاهرة الكبرى وأنا وضحت لهم أننا نقوم بتقسيم المناطق حسب عدد فروع المتحدة في القاهرة الكبرى وهي 18 فرع منها 6 فروع بالجيزة و12 فرع بالقاهرة والمفروض أن كل فرع للمتحدة يكون مربوط عليه مندوب يعني أنا عايز عدد 18 مندوب وثلاثة مشرفين بفرض أن كل مشرف سيكون معه 6 مندوبين والمفترض أن مناطق القاهرة الكبرىة بالذات تعاني من نقص المندوبين ولذلك فمن الممكن أ، نكلف المندوب بمتابعة فرعين أو حتى ثلاثة للمتحدة وبذلك يكون أقل عدد مندوبين مطلوب في القاهرة الكبرى هو 6 مندوبين و2 مشرفين بفرض أن المشرف معاه 3 مندوبين والمفروض أن المشرف يتحمل بعض المناطق الخالية وكذلك يكون له خطة وقائمة عملاء كبار ينزل لهم بنفسه بالإضافة لمسئوليته عن فريقه ؛ ولقد اقترحت عليهم كذلك عمل حسابات بنكية لتحويل مرتبات المندوبين بعد أن سمعت أنهم يرسلونها لهم بالبريد بحجة طول المسافات بين الصعيد والدلتا والقاهرة وبالفعل أعطيتهم دليل لأشهر بنك خاص لتحويل المرتبات ؛ والأكثر من ذلك هو أنني قدمت لهم خطة عمل خاصة بمستشفيات تبارك للأطفال وعددها 25 فرع بالقاهرة وهي أكبر عملاء منتجات الأطفال ولكن مشكلة مستشفيات تبارك أنها تحتاج لمتابعة مستمرة وتحتاج لمجهودات مضاعفة ابتداء من أول زيارة لمقابلة مدير المستشفى لأخذ موافقته على ادخال الدواء وبعدها توريد الدواء للصيدلية الداخلية بخصم كبير وبعدها متابعة الأطباء الصغار ومستشفى تبارك في كل فرع من فروعها وعددهم 25 فرع في كل فرع فيه عدد أربعة عيادات للأطفال شغالة 24 ساعة على أربعة فترات يعني كل يوم عندك عدد 16 طبيب في الفرع الواحد وبحسبة بسيطة لو افترضنا أن كل فرع سيكتب علبة واحدة فقط في اليوم برغم أن هناك عدد 16 طبيب ولكن سنفترض أن واحد فقط كتب علبة واحدة يوميا فمعنى ذلك أن البيع الشهري سيكون 30 علبة مضروباً في 25 فرع بالإضافة للبيع الخارجي من الصيدليات خارج المستشفى يعني إحنا بنتكلم في رقم 1000 علبة ممكن تبيعهم في منفذ واحد فقط هو تبارك للأطفال ؛ ودا غير إن تبارك للأطفال أصبح في كثير من فروعها عيادات أسنان يعني ممكن تبيع منتجات أسنان مثل المضمضة وكذلك عيادات نساء وولادة يعني تشتغل كمان على منتجات النساء من أول الدش المهبلي لحد أدوية النساء المتخصصة ؛ وأنا أسأل سؤال الآن بعد هذه الكلمات النابعة من خبرة في القاهرة الكبرى والسؤال هل هذا الكلام يشجع على العمل النظيف وبذل مجهود ؟؟؟؟ أم أننا مضطرين للجوء للدييييلات والبزنسة والسرفسة والرشاوي ؟؟؟؟ أكيد سيقول قائل أنه لابد من بعض الهدايا مع بعض المصاريف حتى نضمن استمرار الأطباء في الكتابة وعدم تحويلهم لشركة أخرى وخاصة أن الشركات المالتيناشيونال مشهورة بالسرفسة والبزنسة وبتدفع بالملايين عشان مؤتمرات ورحلات سياحية للأطباء و خلافه ؛؛؛ وأنا وقتها أقول أن أهم شيء هو الزيارة المتكررة والمتابعة والتواجد وذلك ما ألاحظه مفقود في الشركات الكبرى لأن مندوب المالتيناشيونال قليل التواجد لأنه اعتمد على الديييييلات واعتمد على أن وراءه شركات يهودية تموله وتصرف على منطقته وتقوم بإغراء الأطباء بشتي الوسائل وفي الختام أرجو أن يكون كلامي واضح والمختصر المفيد هو أنه مطلوب إثبات حسن النوايا من الشركات التي ساءت سمعها والسبيل لذلك هو نشر سياسة عمل واضحة وأنا لن أرد على أي اتصالات إلا إذا رأيت بعيني هذه السياسة منشورة وشيء سهل جدا مثلما نجد توضيحات منشورة بإعلانات الموقع مثل المرتب والمنتجات ونظام الشغل وبدلات السيارة وخلافه وأكرر كلالمي بأنني لا أريد نشر فضائح أو إساءة لأي شخص ولكن الأمانة تفرض علينا أن ننشر ما وجدناه بدون افتراء حتى نحذر زملاءنا من الوقوع ضحايا لهذه الشركات وأنا سبق لي الوقوع لضحية شركة في بنها بالقليوبية منذ عشرة سنوات لما سافرت أقبض مرتبي فوجئت إن الشركة لا وجود لها واضطررت للذهاب لقسم الشرطة وتحرير محضر نصب واحتيال وفعلا تم رد أوراقي لي بعد أن استطاعت المباحث من القبض على مدير الشركة الذي لم نكن نعرف عنه إلا اسمه فقط وكان مستأجر شقة تركها بعد ما جمع فلوس من بيع مباشر وللمرة الأخيرة أنا لم أقم بالتشهير أو الإساءة إلى أحد وأستغفر الله من أي كلمة قلتها في غير موضعها والسلام ختام

  10. #10

    افتراضي

    haneen
    جزاك الله كل خير دكتور ايمن
    لابد فعلا من اعلان الحرب على مثل هذه الشركات
    انا مشتركه ف الموقع من شهر تقريبا لقيت لهم اكثر من اعلان مره يقولوا اسم الشركه بالعربى ومره بالانجليزى وف الحالتين ما لقيتش كلمه كويسه فى حق الشركه دى من الواضح ان ريحتهم فاحت قوى
    دى يا دكتور شركات تعبانه عاوزه تشغل المندوب بكام مليم وتهلك صحته ونفسيته قال ايه علشان التارجيت
    ويا دكتور وفر نصايحك دى لحد يستاهلها ويقدرها لو كانو بيفهموا الكلام ده كانوا طبقوه قبل كده
    دول عاوزين اعلى فايده باقل مجهود طبعا منهم لكن بالنسبه للمندوب تطلع روح اللى جابوه كانه بيشتغا لله وللوطن
    اخيرا انا باطلب من الادمن لو ف شركات سمعتها ضايعه قوى ده ياريت ما يعملهاش اعلانات

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مطلوب مندوبي دعاية
    بواسطة Medical1 في المنتدى فرص العمل داخل مصر
    مشاركات: 17
    آخر مشاركة: 11-28-2012, 11:39 AM
  2. مطلوب بجميع المحافظات مندوبين وسنيورز ومشرفين دعاية وبيع
    بواسطة asmmma في المنتدى فرص العمل داخل مصر
    مشاركات: 9
    آخر مشاركة: 01-23-2011, 11:13 PM
  3. مندوبين دعاية ومشرفين نصف الوقت
    بواسطة ahmedazazy في المنتدى منتدى طلبات التوظيف
    مشاركات: 1
    آخر مشاركة: 05-28-2010, 11:02 PM
  4. مطلوب مندوبي دعاية
    بواسطة abo_faris في المنتدى فرص العمل داخل مصر
    مشاركات: 9
    آخر مشاركة: 02-18-2010, 04:46 PM
  5. مطلوب مندوبي دعاية
    بواسطة abo_faris في المنتدى فرص العمل داخل مصر
    مشاركات: 10
    آخر مشاركة: 02-11-2010, 06:58 PM

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ظ…ظˆط§ظ‚ط¹ ط§ظ„ظ†ط´ط± (ط§ظ„ظ…ظپط¶ظ„ط©)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •