النتائج 1 إلى 8 من 8

الموضوع: ماجستير إدارة الأعمال (mba)

  1. #1

    ماجستير إدارة الأعمال (mba)

    السلام عليكم يا شباب
    انا كنت عاوز اخش مجال التسويق marketing

    ومعظم الناس قالولى اخد MBA ياترى فى حاجه احسن عشان القورص ده غالى اوى وله قورص مصغر بس خايف ميدنيش معلومات كفايه
    ياريت اى معلومات وشكرا.

  2. #2
    عشان تاخد الدرجة رسمى لازم تدرس بجامعة معتمدة ... طبعا ال mba بتتاخد ف جامعات زى الأمريكية والكندية وبيوصل تمنها من 45 ألف ل 80 ألف ... لكن أنا عرفت مؤخرا أنها كمان دخلت جامعة القاهرة وتمنها 15 ألف ومدة الدراسة سنتين ... أما موضوع أنك تاخدها كورس ف أى مركز تدريب ده مش محبذ لأنك هتاخد شهادة خبرة مش شهادة درجة علمية

  3. #3
    فى حاجة اسمها مينى ام بى ايه او (المهنى)
    وبتاخد شهادة معتمدة من جامعة عالمية انك اخدت كورس مهنى (ماجستير مصغر لإدارة الأعمال) بيتكون غالبا من عشر مواد
    وده بيكون سعره أقل حول 4500 / 5500 حسب المكان بيكون فى معهد من المعاهد الدولية الكبيرة ومدته مش بتقل عن تلت شهور و ممكن توصل لستة
    اما الكورس الكامل
    فى الجامعة الامريكية 16 مادة وتمن المادة 10000 جنيه
    يعنى الاجمالى 160 الف جنيه فى تلت سنين ولازم تكون جايب جيد فى الكلية و تحقق اسكور معين فى امتحانين قبل ما تبدأ toefl & gmat
    وده يعتبر احسن واغلى شهادة من جوة مصر
    لكن أنسب مكان فى رأيى هو الأكاديمية البحرية بتوصل المصاريف حوالى 28000 جنيه فى 3 سنين برضه هى أغلى من مصاريف جامعة القاهرة لكن قيمة الشهادة اعلى ومحتوى الدراسة أفضل
    أما بعد الحصول على الشهادة بتأهلك انك تشتغل مدير فى أى مكان جوة أو برة مصر و بتجيلك عروض عمل من اكتر من مكان بمرتبات عالية وحوافز مغرية لأنه من النادر ان تجد شخص حاصل على ام بى ايه كاملة
    ربنا يوفقك

  4. #4
    m.hassan , mystery
    مشكور اوى لردودكم وطبعا القورص فى الجامعات الامريكيه والالمانيه والهولنديه غالى جدا والفرق بينه وبين جامعه القاهره والاكاديميه العربيه انه معتمد جوه وبره الوطن العربى لكن جامعه القاهره والاكاديميه معتمد جوة الوطن العربى بس تقريبا
    انا فكرت فى mini mba
    لكن انا خايف ميدينيش المعلومات الكافيه او انه ميجبليش فرص عمل كويسه زى mba
    ايه رأيكو

  5. #5
    مهو الفكرة أنك لو هتاخده ككورس فى مركز تدريب هيطلعلك شهادة خبرة غالبا مش هتكون مفيدة ... لكن لو عايز درجة علمية يبقى عليك وعلى الدراسة وأختارلك جامعة القاهرة مثلا طالما مش هتخرج برا الوطن العربى ... على أساس من كلامك أنك عايزها عشان marketing يبقى أبدأ الأول هنا ولو فكرت تسافر برا بعد كدا يبقى يحلها حلال

  6. #6
    اقتباس المشاركة الأصلية كتبت بواسطة Mystery??? مشاهدة المشاركة
    مهو الفكرة أنك لو هتاخده ككورس فى مركز تدريب هيطلعلك شهادة خبرة غالبا مش هتكون مفيدة ... لكن لو عايز درجة علمية يبقى عليك وعلى الدراسة وأختارلك جامعة القاهرة مثلا طالما مش هتخرج برا الوطن العربى ... على أساس من كلامك أنك عايزها عشان marketing يبقى أبدأ الأول هنا ولو فكرت تسافر برا بعد كدا يبقى يحلها حلال
    مشكور يا جميل
    بس مشكله جامعه القاهره انها بتقول عاوزه شهاده خبرة سنتين فى نفس المجال هل ده شرط ولا اى كلام

  7. #7
    في كورسات ماركيتنج بتتاخد في الاكادمية ومعتمدة

    وممكن بيها تشتغل في الماركيتنج

  8. #8
    طب السؤال دلوقتى انى انا مثلا بشتغل فى مجال الدعايه بقالى حوالى سنه و نص و بفكر اخد ال mba فى الاكادميه البحريه او فى جامعه القاهره عشان اختصر وقت فى حياتى المهنيه بدل ما افضل مندوب سنين و فى اماكن مش جامده زى ناس كتيير ....هل فعلا لو اخدتها هقدر ادخل بيها اماكن محترمه كمدير فى الماركتينج مثلا اعتبارا انى معايا شهاده نادره و عندى معلومات و خبرات منها تؤهلنى للمركز ده ولا ايه؟؟؟؟؟؟؟؟؟؟؟؟؟؟؟؟
    ارجوكم لو حد عندو رد يفدنى عشان انا محتار جدااااااا و برده الشهاده غاليه يعنى الواحد لازم يحسبها كويس قبل ما يخاطر بمبلغ زى ده

المواضيع المتشابهه

  1. إدارة الأعمال
    بواسطة M. Gomaa في المنتدى ركن تنمية المهارات
    المشاركات: 3
    آخر رد: 05-26-2010, 05:27 PM

كلمات الموضوع الدليلية

صلاحيات المواضيع والردود

  • لا يمكن إضافة مواضيع جديدة
  • لا يمكن الرد على المواضيع
  • لا يمكن إرفاق ملفات
  • لا يمكن تعديل مشاركاتك
  •