المساعد الشخصي الرقمي

مشاهدة النسخة كاملة : معلومات عن شركة advocure



m_ibrahim816
09-16-2009, 03:54 AM
كل عام والكل بخير وصحه وسعاده
كنت حابب استفتسر عن شركة هيا شركة جدبده عندها منتجات للقلب وبتتميز انها بتنزل باول جينيرك او بديل زى ال advochol البديل الوحيد حتى الان لل crestor فى السوق المصرى والناس غايه فى الادب داخل الشركة ممكن لو حد يعرف اكتر يقول ......................وشكرا

m_ibrahim816
09-16-2009, 08:49 PM
ياريت حد يفدنا

Admin
09-17-2009, 12:57 AM
بداية لشركة زى منت بتقول منتجاها تبدو جديدة بس انا سمعت عن الاكستريم من احد مستحضرات الكالسيوم وهو مسمع شوية الايام اللى فاتت
الشركة تبدوا من موقعها انها كويسة مش عارف بقة حد م الاعضاء يقدر يفيدك ولا لا على نظامهم
سايت الشركة للعنوان وتفاصيل المنتجات http://advocurepharma.com/extreme.htm

lastpirate
09-17-2009, 02:19 AM
السلام عليكم ورحمة الله وبركاته
ازي حضرتك يا دكتور رمضان كريم
زي ما دكتور سامح قالك والشركه بتثبت حضور في السوق واتعملت معاهم من جوه ناس محترمين كلهم من اول المدير لحد السوبرفيزر بس كاي شركه لوكل وجودها في السوق هيبقي صعب والتحقيق هيبقي صعب بس انا اتمني انها تكبر في المستقبل لان الناس اللي جوا محترمين جداا وناس ذوق جداا وانت هتلاحظ ده من التعامل ومش عايز اقولك ان منتجاتهم قويه اووي مش بيعملوا حاجات للبيع وخلاص بس التحقيق فيها هيبقي صعب وكبدايه مش وحشه لكن اللوكال ومشكلته المعروفه عتدهم الادفوكول فعلا ده روفاستاتين وعندهم دوا اسمه جاسموفاك عباره عن موسابرايد 5 مجم لعلاج الارتجاع المريئي من اعراضه الحموضه والكلام ده عندهم دوا للحروق والجروح مش فاكر اسمه عندهم فيمي روز ده من الحاجات اعتقد القويه بالنسبالهم حاجه للدوره الشهريه وبرده فيه دوا اسمه سيبروكسيل xl-500 ده مضاد حيوي مجموعة الكينولون مره واحده يوميا من الادويه القويه غير ال 1000 بتاع شركه تانيه وفيه كذا دواء هتلاقيهم كلهم بتاع 10 ادويه ولا حاجه بس بجد بجد اللي لفت نظري معاهم الاحترااااااااااام اللي في الشركه بجد كانوا ناس كويسييين بكل معني الكلمه وكلهم كانوا خبره في شركات مالتي ناشيونال وعندهم كذا لين بيشتغلوا حاجات كارديو للقلب وفرعهم الرئيسي في المنصوره والمكان بتاعهم في مول عبير شارع بطرس غالي عند موقف الميني باص مرتباتهم من 1200 ل 1400 اعتقد فيه عربيه بس لو حققت 100% وده كلام الله اعلم بيه طبعا ... اتمني المعلومات تكون مفيده وربنا يوفقك يا دكتور وقولنا عملت ايه معاهم واحنا ان شاء الله نفيدك

m_ibrahim816
09-17-2009, 07:12 AM
انا اتقبلت فعلا بس متردد ابدا ولا لا انا لفت نظرى طريقه التعامل الكويسه والمحترمه من المديرين وحاسس ان المنتجات الى حد ما عن بقيه الوكال محترمه مش عارف ابدا ولا لا وهما قالولى العربيه بعد 6 شهور وممكن من الاداء بتاعك تبقى قبل كده

m_ibrahim816
09-17-2009, 09:09 AM
اللى اتقالى فى الشركة ان الاكستريم اللى هو الكالسيوم والفيمروز والحاجات دى مبيتعملهاش دعايه دلوقتى من الشركة الشركة مهتمه اكتر بالادوية وانها تنزل باول بديل للبراند زى الادفوكول اللى مخلينى اقلق هو نظام العربيه حاسس انه مش واضح ومفيش كلام مؤكد اذا كان فى عربيه ولا لا ودى نقطه لو اتاكدت ان فى ان شاء الله عربيه حبدا
الفكرة انى خريج صيدله 2008 وعملت تقريبا فى كل المالتى ناشونال ووصلت للفاينل انترفيو ومكنش بيحصل نصيب فانا بفكر ابدا فى شركة ليها مستقبل واكبر معاها ياريت حد يفدنى بمعلومات اكتر عن نظام الشركة ونظام العربيه لو سمجتوا

lastpirate
09-17-2009, 03:12 PM
يا دكتور المعلومات اللي كتبتهالك عن الشركه كتير ومفيش اكتر من كده عنهم ولو حابب حاجه معينه اسئل وبالنسبه للعربيه مع التحقيق وده صعب زي ما قولنا انما انت الاهم تصلي صلاة استخاره وتشوف الانسب ليك حاليا ولظروفك وتنزل تجرب متستناش كتير وهتستفيد اكيد ياما تبداء تشوف حاجه تانيه وهكذا بالنسبه للعربيه كمان موضوعها معروف في اي مكان ومحدش بيديها اقل من 3 شهور وبعدين كل الناس بتستعجل علي العربيه وعلي فكره ده مش مظبوط مش اهم حاجه في الشغل العربيه بالعكس ديه ممكن بعد كده تتقل عليك الشغل واعرف ان اي مكان في الدنيا مهما كان ان شاء الله مالتي مليون ناشيونال مبيديش حاجه لوجه الله ثواب يعني لاا ده بيبقي عايز شغل من نار وديه طبيعه الشغلانه ديه لانها شغلانه فهلوه ملهاش اي علاقه بالطب ولا بالصيدله اساسا واثبت نفسك بتعبك

m_ibrahim816
09-17-2009, 05:04 PM
انا متفق معاك وانا بس عايز حد يكون اشتغل فيها قبل كده يقولى فى فعلا عربيه ولا ده كلام انترفيوهات بس

the_rock2010
09-17-2009, 08:33 PM
على فكره الشركه باعت الاكستريم لشركه تانيه اسمها دولكس .. وهي شركه كويسه فعلا ونظام العربيات لسه داخل الشركه في وقت حديث

m_ibrahim816
09-19-2009, 03:11 AM
لا اان بتكلم عن advocure والبرودكت بتاعتها المعروفه محدش اشتغل فيها قبل كده ولا يعرف حد اشتغل فيها شخصيا قريب يعنى علشان اتاكد من عرض العربيه

m_ibrahim816
09-20-2009, 03:30 AM
ايه يا جماعه عيد سعيد
هو مفيش اى حد اشتغل فيها او يعرف حد كان شغال فيها

m_ibrahim816
09-21-2009, 02:36 AM
!!!!!!!!!!!!!!

GoldenPrints
10-22-2009, 08:25 PM
ياريت يا دكتور تقولنا حضرتك عملت ايه او عرفت اى معلومات اكترعن نظامها؟

فاندر
01-07-2010, 02:48 PM
يا ريت يا جماعة الى عندة معلومات عن شركة ادفو كيور ذى المرتب و الانسنتف نظام العربية و بيئة العمل جوة الشركة و الادوية بتاعتهم .
ياريت الى يعرف حاجة يقولنا عليها و حكون شاكر جدا. :SugarwareZ-292:

mr_mind
01-07-2010, 05:47 PM
و الله اللى اسمعه عن موضوع العربيات ده انه بالدور عندهم مش بالتحقيق

amrkhatab
01-07-2010, 06:11 PM
هما اتنين لاين لاين السبروكسيل اكس ال 500 واللاين التانى بتاع الادفو كول واللين بتاع السبروكسيل اقولى هو اتنين برودكت معاه الجاسموفاك مجموعه الموزابريد والسلارى بيختلف بس تقريبا 1350 والانسنتف على الكوارتر يتاخد شهر والتارجت تقريبا 15 الف يعنى حاجه كده والعربيه اما تحقق وهما ناس محترمه جدا

loving u
01-08-2010, 05:34 PM
انا دخلت شركه الادفوكيور من سنتين واخدت الترينينج ونزلت معاهم شغل فعلا لكن للاسف حصل ليا ظروف مقدرتش اكمل معاهم وبصراحه هما ناس محترمين جدا جدا من اول من اصغر واحد لاكبر واحد فيهم كان عندهم وقتها الكالسيوم اكستريم وكانوا مشهورين بيه جدا لكن السوبر فايزر الى كان بيشتغل فيها انفصل عنهم واشتراه منهم . لكن عندهم منتجات تانيه femme roseروز kaifpan وكمان فيه لاين cardiology. لكن بصراحه ناس بتشتغل صح وبتعرف ازاى تحقق تارجت 100% وعلى العموم هتتعلم معاهم الشغل كويس .

REDEMPTION
10-05-2011, 10:22 PM
طيب لو سمحت ممكن معلومات عن السالاري والاكسبنسات حاليا

dr.marwa e
05-10-2012, 09:42 PM
السلام عليكم .
استلام العربية بعد سته اشهر وغير مرتبطة بالتحقيق وارجو التوفيق للجميع الله الموفق والمستعان

حنكش28
11-08-2013, 02:14 PM
ممكن ميل الشركه advocure يا شباب